بلوچستان کے دارالحکومت کوئٹہ کے مشرقی بائی پاس میں بکرا منڈی کے قریب نامعلوم افراد نے پولیس کو دستی بم حملہ حملے میں نشانہ بنایا۔ حملے میں منظور شہید تھانے کے ایس ایچ او سمیت پانچ افراد زخمی ہو گئے۔
پولیس ذرائع کے مطابق زخمیوں کو فوری طور پر ہسپتال منتقل کر دیا گیا ہے، جبکہ علاقے کو سیکیورٹی فورسز نے گھیرے میں لے کر سرچ آپریشن شروع کر دیا ہے۔
اس واقعے سے قبل گزشتہ رات بھی کوئٹہ کے مغربی بائی پاس اور تھانہ ہنہ اوڑک کی حدود میں دھماکوں کی اطلاعات ملی تھیں۔ تین دنوں کے دوران شہر میں پیش آنے والے یہ تیسرا دھماکہ ہے۔
