ضلع کیچ اور خضدار سے پاکستانی فورسز نے تین نوجوانوں کو حراست میں لینے کے بعد جبری لاپتہ کر دیا۔
ضلع کیچ کے علاقے تمپ ملک آباد میں گزشتہ شب پاکستانی فورسز نے چھاپے کے دوران دلیپ ولد رفیق اور بلال ولد باقی نامی دو نوجوانوں حراست میں لے کر اپنے ہمراہ لے گئیں۔
ذرائع کے مطابق دونوں نوجوانوں کو بعدزاں نامعلوم مقام پر منتقل کر دیا گیا ہے، اور تاحال ان کے بارے میں کسی قسم کی معلومات فراہم نہیں کی جا رہی۔
دوسری جانب ضلع خضدار کے علاقے کوڑاسک میں ظفر اللہ ولد غلام نبی کو 25 مئی کو اُن کے دو ماموؤں کے ہمراہ پاکستانی فورسز نے کیمپ میں بلایا تھا، جس کے بعد دونوں ماموؤں کو رہا کر دیا گیا تاہم ظفر اللہ تاحال فورسز کے حراست میں ہے۔
واضح رہے کہ ظفر اللہ اس سے قبل بھی 29 اکتوبر 2023 کو پاکستانی فورسز کے ہاتھوں جبری گمشدگی کا شکار ہو چکے ہیں، جہاں انہیں شدید تشدد کے بعد رہا کیا گیا تھا۔ یہ دوسرا موقع ہے کہ انہیں جبری طور پر لاپتہ کیا گیا ہے۔
