بلوچستان کے ضلع پشین کے علاقے سرانان میں پرانی رنجش کی بنا پر دو گروپوں کے درمیان مسلح تصادم کے نتیجے میں دو سگے بھائیوں سمیت تین افراد جاں بحق ہو گئے۔
لیویز ذرائع کے مطابق واقعہ سرانان کے قریب کلی گل باران میں پیش آیا، جہاں دونوں گروپوں کے درمیان جھگڑا شدت اختیار کر گیا اور فائرنگ کے تبادلے میں تین افراد جان کی بازی ہار گئے۔
جاں بحق ہونے والوں کی شناخت نعمت اللہ، نقیب اللہ (سگے بھائی) اور محمد داودکے ناموں سے ہوئی ہے۔ لیویز فورس نے لاشوں کو اپنی تحویل میں لے کر ضابطے کی کارروائی مکمل کرنے کے بعد پوسٹ مارٹم کے لیے کوئٹہ منتقل کر دیا ہے۔
