بلوچستان کے دارالحکومت کوئٹہ اور ضلع مستونگ سے جبری طور پر لاپتہ کیے گئے 15 افراد بازیاب ہوکر اپنے گھروں کو پہنچ گئے ہیں۔
بازیاب ہونے والے افراد میں خلیل احمد، عبداللہ کرد، شفیع محمد ساسولی، احمد خان بنگلزئی، ظہور احمد رند، حبیب الرحمن لانگو، رضوان شاہوانی، پالاچ شاہوانی، باسط شاہوانی، محمد عارف جتک، گل میر سمالانی، محمد زکریا کرد، عمیر احمد کرد اور یاسر سارنگزئی شامل ہیں۔
علاوہ ازیں ڈسٹرکٹ بار ایسوسی ایشن مستونگ کے جنرل سیکریٹری چیف عطا اللہ بلوچ ایڈووکیٹ بھی گذشتہ شب بازیاب ہوگئے ہیں، جن کی جبری گمشدگی پر وکلاء برادری نے احتجاج بھی کیا تھا۔
تمام افراد کی بازیابی کی تصدیق ان کے اہلِ خانہ، قریبی ذرائع اور دوستوں نے کر دی ہے۔
