بلوچستان کے ضلع کیچ کے مرکزی شہر تربت میں جمعرات کی شام نامعلوم موٹرسائیکل سوار مسلح افراد کی فائرنگ سے دو افراد ہلاک ہو گئے۔
یہ واقعہ کوہ مراد کے مقام پر پیش آیا، جہاں حملہ آوروں فائرنگ کی جس کے نتیجے میں دونوں افراد ہلاک ہوئے، پولیس کے مطابق ہلاک ہونے والوں کی شناخت راشد حکیم اور دلشاد اللہ بخش کے ناموں سے ہوئی ہے جو ضلع کیچ کی تحصیل کولواہ کے رہائشی تھے۔
لاشوں کو ضروری قانونی کارروائی کے لیے ٹیچنگ اسپتال تربت منتقل کر دیا گیا ہے۔
واقعے کے محرکات تاحال معلوم نہیں ہو سکے ہیں، اور نہ ہی کسی نے اس کی ذمہ داری قبول کی ہے۔
