ضلع کیچ کے علاقے بلیدہ سلو میں نامعلوم مسلح افراد نے ایک زیرِ تعمیر منصوبے کی سیکیورٹی پر مامور لیویز اہلکاروں پر حملہ کرکے اسلحہ ضبط کرلئے۔
مقامی ذرائع کے مطابق حملہ ہفتے کے روز اُس وقت پیش آیا جب لیویز اہلکار بلیدہ سلو میں ایک تعمیراتی کمپنی کے منصوبے کی حفاظت پر تعینات تھے۔ حملہ آوروں نے اہلکاروں کو گھیرے میں لے کر ان سے سرکاری اسلحہ چھین لیا اور بغیر کوئی جانی نقصان پہنچائے موقع سے فرار ہوگئے۔
تاہم تاحال اس حملے کی ذمہ داری کسی تنظیم نے قبول نہیں کی ہے۔ بلوچستان میں اس نوعیت کے واقعات پہلے بھی پیش آ چکے ہیں، جن کی ذمہ داری اکثر بلوچ مسلح تنظیمیں قبول کرتے رہے ہیں۔
