بلوچستان کے ضلع مستونگ کے علاقے تیری روڈ پر کلی ہزار خان کے قریب نامعلوم مسلح افراد کی اندھا دھند فائرنگ سے ایک خاتون سمیت تین افراد جاں بحق ہو گئے۔ واقعہ اس وقت پیش آیا جب یہ افراد کانک سے مستونگ کی جانب سفر کر رہے تھے۔
لیویز ذرائع کے مطابق جاں بحق افراد کی شناخت حاجی محمد عظیم سمالانی، آغا محمد سمالانی اور ایک خاتون کے طور پر ہوئی ہے۔ فائرنگ کے فوراً بعد حملہ آور موقع سے فرار ہونے میں کامیاب ہو گئے۔
واقعے کے بعد لاشوں کو فوری طور پر نواب غوث بخش رئیسانی میموریل اسپتال منتقل کر دیا گیا، جہاں قانونی کارروائی جاری ہے۔
تاہم واقعے کے محرقات تاحال معلوم نہیں ہوسکے ہیں۔
