بلوچستان کے ضلع نوشکی میں آئل ٹینکر دھماکے میں زخمی ہونے والے مزید پانچ افراد زخموں کی تاب نہ لاتے ہوئے چل بسے جس کے بعد جاں بحق افراد کی تعداد 11 ہو گئی ہے۔
یہ واقعہ 27 اپریل کو پیش آیا تھا جب ایک آئل ٹینکر میں اچانک آگ بھڑک اُٹھی، جس کے نتیجے میں 60 سے زائد افراد جھلس کر زخمی ہو گئے تھے۔ ابتک 11 افراد دم توڑ گئے ہیں جبکہ درجنوں زخمی مختلف اسپتالوں میں زیرِ علاج ہیں۔
ذرائع کے مطابق بعض زخمیوں کی حالت تاحال تشویشناک ہے جس سے ہلاکتوں میں مزید اضافے کا خدشہ ہے۔
