بلوچستان کے ضلع کیچ کے علاقے ہوشاب میں گزشتہ رات مسلح افراد نے شاہراہ پر گھنٹوں تک ناکہ بندی کرکے گاڑیوں کی تلاشی لی، جبکہ ہوشاب لیویز تھانے پر حملہ کرکے وہاں موجود تمام سرکاری اسلحہ اور دیگر سامان اپنے ساتھ لے گئے۔
دوسری جانب بیلہ کے نواحی علاقے میں واقع شیشہ ہوٹل کے قریب بھی گزشتہ رات سیکیورٹی خدشات کے باعث سڑک بند کر دی گئی۔
بلوچستان کے مختلف علاقوں میں اس نوعیت کے حملے جاری ہیں جبکہ دو روز قبل مند میں مسلح افراد نے پولیس تھانے پر حملہ کرکے اسلحہ سمیت دیگر سامان بھی ضبط کیا تھا۔
تاہم دونوں کارروائیوں کی ذمہ داری تاحال کسی تنظیم نے قبول نہیں کی۔
