بلوچستان کے اضلاح سبی، قلات اور آواران میں پاکستانی فورسز کا فوجی جارحیت جاری ہے جس دوران دس افراد کو حراست میں لینے کے بعد نامعلوم مقام پر منتقل کردیا گیا ہے۔
بلوچستان کے ضلع سبی سے اطلاعات موصول ہوئی ہیں کہ پاکستانی فورسز نے فوجی جارحیت کے دوران گھروں پر چھاپے مارے اور علاقے سے دس کے قریب افراد کو حراست میں لیکر اپنے ساتھ لے گئے ہیں۔ جبکہ آخری اطلاعات تک لہڑی و گردونواح میں پاکستانی فورسز کا آپریشن جاری رہا ہے۔
سبی لہڑی سے حراست میں لئے گئے افراد کے شناخت کے حوالے سے تاحال معلومات نہیں مل سکی ہے۔
دوسری جانب اطلاعات کے مطابق بلوچستان کے علاقے قلات اور گردونواح میں پاکستانی فوج کا فوجی جارحیت جاری ہے۔
ذرائع کا کہنا ہے کہ منگچر کے پہاڑی سلسلوں میں بیس سے زائد گاڑیوں پر مشتمل پاکستانی فورسز کا ایک بڑا قافلہ شیخڑی تک پہنچ چکا ہے۔ فوجی قافلے کے ہمراہ سرویلنس ڈرون طیارے بھی علاقے میں پرواز کرتے دیکھے گئے ہیں۔
آواران کے علاقوں بزداد اور بانڈمی میں بھی پاکستانی فورسز نے متعدد گھروں پر چھاپے مارے اور خواتین بچوں کو شدید تشدد کا نشانہ بنایا۔ تاہم دیگر گرفتاری یا جانی نقصان کی اطلاع تاحال موصول نہیں ہوا ہے۔
