بلوچ آزادی پسند رہنما اختر ندیم بلوچ نے سماجی رابطے کی ویب سائٹ ایکس پر پاکستانی فوج کے سربراہ جنرل عاصم منیر کے حالیہ بیان “عسکریت پسندوں کی دس نسلیں بھی بلوچستان اور پاکستان کے کچھ نہیں بگاڑ سکتے” پر ردعمل دیتے ہوئے کہا کہ پاکستانی جنرلوں کی پہلی پہچان ہی بھڑکیں مارنا ہے۔ جب بنگلہ دیش کی آزادی قریب تھی، تب بھی یہی کچھ ہو رہا تھا۔ زبان پر فتح کے دعوے اور میدان میں شکست۔ آج بلوچ قوم نے نسل در نسل مزاحمت کا تہیہ کر رکھا ہے، اور بلوچستان میں پنجابی فوج کی حالت پوری دنیا دیکھ رہی ہے۔
بلوچ رہنما نے مزید کہا کہ عاصم منیر بھی کل اپنے پیش روؤں کی طرح کسی غیر ملکی جزیرے کا مالک بن سکتا ہے، لیکن بلوچستان کا نہیں۔
انھوں نے کہا کہ عام فوجی، جو صرف تنخواہ دار ہے، اسے چاہیے کہ ان خون کے سوداگر جرنیلوں اور جنگی منافع خوروں سے بغاوت کرے۔ بلوچ عوام پرامن راستہ دینے کو تیار ہیں۔
