بلوچ اسٹوڈنٹس آرگنائزیشن مستونگ زون کی جانب سے بلوچستان نیشنل پارٹی کے زیر اہتمام منعقدہ دھرنا گاہ بمقام دامن چلتن لکپاس مستونگ میں ”علم ئنا چراغ“ کتابی کاروان کے تحت دو روز لائبریری اور بک اسٹال کا انعقاد کیا گیا۔
بک اسٹال پر سیاست، تاریخ، فلسفہ اور فکشن سمیت مختلف موضوعات کے کتابیں صرف اور صرف 100 روپے کی با ریاعت قیمت پر دستیاب ہیں۔
بی ایس او کے جاری بیان کے مطابق آج پہلے دن کے موقع پر دھرنے کے شرکاء اور علم دوست عوام نے بڑی تعداد میں اسٹال کا رخ کیا اپنے پسند کے کتابیں خریدے اور لائبریری میں مطالعہ کرکے اپنے علم و زانت میں اصافہ کیا، جبکہ بی ایس او کے اس علمی کاوش کو سراہتے ہوئے تنظیمی سنگتوں کو اس کاوش بھرپور داد دی ”علم ئنا چراغ“ کے ذریعے بی ایس او بلوچ سماج کو علم و شعور سے منور کرنے کی کوششوں میں مصروف عمل ہے اس سلسلے میں بلوچستان کے کونے کونے میں بک اسٹالز لگانے اور کتابوں کے ذریعے علم و شعور بانٹنے کا سلسلہ جاری ہے۔
انھوں نے کہا کہ کل عارضی لائبریری اور بک اسٹال کا آخری دن ہے امید کرتے ہیں کہ دھرنے کے شرکاء اور اہل علاقہ آج کی طرح کل بھی بڑی تعداد میں پہنچ کر کتابیں خریدیں گے اور مطالعہ کریں گے۔
واضع رہے کہ گزشتہ روز دھرنا گاہ میں بلوچی اور براہوئی موسیقی کی ایک محفل بھی منعقد کی گئی، جس میں معروف فنکار استاد عبدالخالق فرہاد اور پروفیسر نوشین قمبرانی نے اپنی فنکارانہ صلاحیتوں سے شرکاء کو محظوظ کیا۔
