ضلع خضدار کے علاقے وڈھ میں سات اپریل کو بلوچ یکجہتی کمیٹی کے رہنماؤں اور کارکنوں کے خلاف کریک ڈاؤن اور ان کی گرفتاریوں کے خلاف احتجاجی ریلی نکالی گئی تھی۔
ریلی کے دوران پاکستانی فورسز نے مظاہرین پر براہ راست فائرنگ کی، جس کے نتیجے میں متعدد افراد زخمی ہوئے۔ ان میں سے ایک نوجوان، عنایت اللہ ولد مجید لہڑی، آج زخموں کی تاب نہ لاتے ہوئے جاں بحق ہو گیا۔
عنایت اللہ اسی روز شدید زخمی ہوئے تھے اور واقعے کے بعد سے زیر علاج تھے، تاہم زخموں کی شدت کے باعث وہ جانبر نہ ہو سکے۔
مقامی ذرائع کے مطابق، عنایت اللہ کو احتجاج کے دوران سیکیورٹی فورسز کی فائرنگ سے گولی لگی تھی۔
اس واقعے کی ایک ویڈیو فوٹیج بھی وائرل ہوئی تھی جو پاکستانی فورسز کو براہ راست فائرنگ کرتے دیکھا جا سکتا ہے۔
