انٹرنیشنل پینل لیگل سینئر ایڈوائزر اور پریزنر ڈیفنڈرز ایشیا کے ڈائریکٹر کرتولس باستیمار نے کہا ہے کہ وہ بلوچ یکجہتی کمیٹی کی سربراہ ماہ رنگ بلوچ کا کیس اقوام متحدہ کے ورکنگ گروپ برائے غیر قانونی حراست کے سامنے پیش کرینگے۔
کرتولس باستیمار جو اقوام متحدہ میں سیاسی افراد کے قید کے خلاف اقدامات کرتے ہیں، نے کہا کہ پاکستانی حکومت کی جانب سے ان کی ماہ رنگ بلوچ کی گرفتاری بین الاقوامی قوانین کی خلاف ورزی ہے اور وہ جلد ہی اس معاملے پر اقوام متحدہ میں باضابطہ درخواست دائر کریں گے۔
یاد رہے کہ ڈاکٹر ماہ رنگ بلوچ کو گزشتہ روز کوئٹہ میں ایک احتجاجی دھرنے کے دوران پولیس نے گرفتار کیا تھا، اور ان پر دہشت گردی، بغاوت اور قتل جیسے سنگین الزامات عائد کیے گئے ہیں۔
انسانی حقوق کی تنظیموں نے ڈاکٹر ماہ رنگ بلوچ کی فوری رہائی کا مطالبہ کرتے ہوئے ان کی گرفتاری کو انسانی حقوق کی سنگین خلاف ورزی قرار دیا ہے۔
