تربت کے علاقے سیٹلائٹ ٹاؤن میں ڈمپر گاڑی کی ٹکر سے سماجی کارکن اور بلوچی فنکار (گلوکار) آصف ظہیر موقع پر جان بحق ہوگئے۔
مرحوم آصف ظہیر معروف سماجی شخصیت بشیر احمد دانش کے بھتیجے اور سیاسی کارکن باسط ظہیر کے بھائی تھے۔
عینی شاہدین کے مطابق، حادثے کے بعد ڈمپر ڈرائیور نے فرار ہونے کی کوشش کی، تاہم تربت پولیس نے بروقت کارروائی کرتے ہوئے ملزم کو موقع سے گرفتار کر لیا۔
آصف ظہیر کا تعلق تربت سیٹلائیٹ ٹاؤن سے تھا، اور حادثے کے نتیجے میں وہ موقع پر ہی جاں بحق ہوگئے۔ پولیس نے لاش کو ضروری قانونی کارروائی کے لیے مقامی اسپتال منتقل کر دیا ہے، جبکہ ملزم کے خلاف مقدمہ درج کر کے تفتیش شروع کر دی گئی ہے۔
