ذرائع کے مطابق کوئٹہ کے علاقے کلی شاہنواز سے تعلق رکھنے والے داود بلوچ کو ریاستی خفیہ اداروں اور سی ٹی ڈی کے اہلکاروں نے گزشتہ روز مبینہ طور پر حراست میں لے کر نامعلوم مقام پر منتقل کر دیا۔
اہلِ خانہ کے مطابق سادہ لباس میں ملبوس اہلکاروں نے گھر میں گھس کر توڑ پھوڑ کی اور داود بلوچ کو اپنے ساتھ لے گئے۔
متاثرہ خاندان نے قریبی پولیس اسٹیشن میں اطلاعی رپورٹ درج کرائی، تاہم تاحال داود بلوچ کے بارے میں کوئی معلومات فراہم نہیں کی گئیں۔
اہلِ خانہ نے مطالبہ کیا ہے کہ داود بلوچ کو بحفاظت منظرِ عام پر لایا جائے اور اس مقدس مہینے میں اس طرح کے واقعات سے اجتناب کیا جائے، جو ان کے لیے شدید اذیت کا باعث بن رہے ہیں۔
