شال ( مانیٹرنگ ڈیسک ) بلوچ یکجہتی کمیٹی کی رہنماء اور سرگرم بلوچ کارکن ماہ رنگ بلوچ نے زہری، خضدار میں جبری گمشدگیوں اور ماورائے عدالت قتل کے حالیہ واقعات پر اپنے بیان میں کہا کہ زہری، خضدار میں پاکستانی فوج نے 12 نوجوانوں کو جبری لاپتہ کرنا اور ایک اور نوجوان کو تربت میں ماورائے عدالت قتل کرنا قابل مذمت عمل ہیں ۔
ماہ رنگ بلوچ نے کہا ہے کہ ان واقعات کے ردعمل میں زہری اور آس پاس کے علاقوں کے عوام اور لاپتہ ہونے والے افراد کے لواحقین نے سوراب کراس پر گذشتہ رات سے ایک پرامن دھرنا شروع کر رکھا ہے۔ سوراب کی سخت سردی کے باوجود خواتین، بچے اور بزرگ بڑی تعداد میں اس احتجاج میں شریک ہیں مظاہرین کا واحد مطالبہ یہ ہے کہ جبری گمشدہ افراد کو فوری بازیاب کیا جائے مگر فورسز پر کوئی اثر نہیں ہے ۔
انھوں نے انسانی حقوق کی تنظیموں سے اپیل کی کہ وہ بلوچستان میں جاری جبری گمشدگیوں اور ماورائے عدالت قتل کی تحقیقات کریں اور ان کے خلاف فوری کارروائی کریں۔
