شال ( مانیٹرنگ ڈیسک )بلوچ لبریشن آرمی کے ترجمان جیئند بلوچ نے میڈیا کو جاری بیان میں کہاہے کہ سرمچاروں نے دشت اور پنجگور میں قابض پاکستانی فوج کو دو مختلف حملوں میں نشانہ بناکر دو اہلکار ہلاک کردیئے۔
انھوں نے کہاہے کہ بی ایل اے کے سرمچاروں نے آج تین بجے کے وقت کیچ کے علاقے دشت، جت بازار میں قابض پاکستانی فوج کے موٹر سائیکل سوار اہلکاروں کو ایک ریموٹ کنٹرول آئی ای ڈی حملے میں نشانہ بنایا، دھماکے کی زد میں آنے سے دونوں اہلکار موقع پر ہلاک ہوگئے اور ان کی موٹر سائیکل تباہ ہوگئی۔
انھوں نے کہاہے کہ بلوچ لبریشن آرمی کے سرمچاروں نے اتوار کی شب پنجگور کے علاقے گڈگی بازار میں واٹر سپلائی کے مقام پر قائم قابض پاکستانی فوج کے پوسٹ کے حفاظتی چوکیوں کو حملے میں نشانہ بنایا، سرمچاروں نے دشمن فوج پر خودکار ہتھیاروں سے حملہ کیا اور گرنیڈ لانچر سے متعدد گولے داغے، جس کے نتیجے میں کم از کم تین اہلکار زخمی ہوگئے۔ بلوچ لبریشن آرمی ان دونوں حملوں کی ذمہ داری قبول کرتی ہے۔
