آواران: تحصیل جھاؤ کے علاقہ سیڑ میں نامعلوم مسلح افراد نے قابض پاکستانی فوجی قافلے کو گھیر کر راکٹ لانچرز اور دیگر ہتھیاروں سے حملہ کرکے جانی مالی نقصان سے دو چار کردیا اور فرار ہوگئے۔
علاقائی ذرائع کے مطابق یہ حملہ فورسز قافلہ پر آج الصبح کیاگیا، جو کافی دیر تک جاری رہا۔ جہاں متعدد دھماکوں کی آواز سنی گئی۔ خدشہ ہے کہ فورسز کو بھاری جانی مالی نقصان پہنچا ہے۔
آخری اطلاع تک حملے کی ذمہداری تاحال کسی بلوچ مسلح آزادی پسند تنظیم نے قبول نہیں کی ہے۔ مگر اس سے قبل ایسے بڑے حملوں کی ذمہداریاں بلوچستان لبریشن فرنٹ قبول کرتی آئی ہے ۔
گزشتہ روز کیچ بلیدہ گلی میں فورسز کو بم اور فائرنگ میں نشانہ بناکر پانچ اہلکار ھلاک اور میجر سمیت ایک اہلکار کو زخمی کرنے کی ذمہداری بی ایل ایف نے قبول کی تھی اور حملے اور اہلکاروں کی ھلاکتوں کی تصدیق قابض پاکستانی فوج کے ترجمان آئی ایس پی آر نے بھی کی ۔
