کراچی کے علاقے لیاری میں بلوچ نسل کشی کے خلاف ہزاروں لوگ سڑکوں پر نکل آئے۔ مظاہرے کے اختتام پر پولیس نے نوجوانوں کو گرفتار کرکے ساؤنڈ سسٹم اپنے ساتھ لے گئے ۔
تفصیلات کے مطابق جمعہ کے روز بلوچ یکجہتی کمیٹی کی اپیل پر لیاری میں ہزاروں لوگ سڑکوں میں نکل آئے ، جس میں خواتین کی بڑی تعداد شامل تھی۔ احتجاجی ریلی شروع ہونے سے پہلے سندھ پولیس نے رکاوٹیں ڈالتے ہوئے بڑی تعداد میں نفری تعینات کردی۔
مظاہرین نے پولیس رکاوٹیں عبور کرتے ہوئے احتجاج ریلی نکالی اور دھرنا دے دیا۔
اس موقع پر انہوں نے کہاکہ جب بلوچستان پکارتا ہے تو لیاری اٹھ کر انکے ساتھ جڑ جاتاہے ۔
مظاہرین نے بلوچ نسل کشی کے خلاف اسلام آباد دھرنے اور لواحقین سے اظھار یکجہتی کرتے ہوئے کہاکہ ریاست بلوچ کش پالیسیوں کا سلسلہ بند کرے۔
علاوہ ازیں بلوچستان کے علاقہ نصیر آباد میں بلوچ یکجہتی کمیٹی کے زیر اہتمام اسلام آباد مظاہرین سے اظہار یکجہتی کیلئے احتجاجی ریلی نکالی گئی اور مظاہرہ کیا گیا۔ مظاہرین نے ‘بلوچ نسل کشی’ کے خلاف شدید نعرے بازی کی۔
