پسنی ، نوشکی ( مانیٹرنگ ڈیسک ) پسنی فورسز اسکول پر بم حملہ جبکہ نوشکی میں سیکورٹی فورسز کی چیک پوسٹ پر فائرنگ سے دو اہلکار زخمی ہوگئے ۔
تفصیلات کے مطابق پاکستان کوسٹ گارڈ اسکول پر دستی بم سے حملہ ، کوئی جانی نقصان کی اطلاع نہیں ۔
پولیس ذرائع کے مطابق ہفتے کی رات پاکستان کوسٹ گارڈ اسکول پر دستی بم پھینکا گیا تاہم کوئی جانی یا مالی نقصان کی اطلاع نہیں ملی ہے ۔
دوسری جانب پولیس کے مطابق ہفتہ کو نوشکی میں نامعلوم موٹر سائیکل سواروں نے سیکورٹی فورسز کی چیک پوسٹ پر فائرنگ کردی جس کے نتیجے میں دو اہلکار زخمی ہوگئے جنہیں طبی امداد کے لئے ہسپتال منتقل کردیاگیا ۔ واقعہ کے بعد سیکورٹی فورسز نے حملہ آوروں کی تلاش شروع کردی مزید کاروائی جاری ہے ۔
