پنجگور ( نامہ نگار ) پنجگور مسلح افراد نے پاکستانی فوج کی جانب سے بنائے گئے ڈیتھ اسکواڈ کے کارندوں پر حملہ کر دیا۔
اطلاعات کے مطابق مسلح افراد نے دز پروم گٹ میں زیر تعمیر ڈیم کی حفاظت پر مامور ڈیتھ اسکواڈ کے کارندوں پر اس وقت حملہ کیا جب وہ اسی مقام پر مقامی گاڑیوں کی چیکنگ اور بھتہ لے رہے تھے۔
حملہ کافی دیر تک جاری ہے جس میں ڈیتھ اسکواڈ کے اہلکاروں کو جانی نقصان پہنچا ہے۔ جبکہ یہ اطلاع ہے کہ حملے میں بجار شمبیے زئی کا بھائی مارا گیا ہے، تاہم ابھی تک آزاد ذرائع سے اس کی تصدیق نہیں ہو سکی ہے۔
ابھی تک کسی تنظیم نے اس حملے کی ذمہ داری قبول نہیں کی ہے تاہم ایسے حملے بلوچ آزادی پسند مسلح تنظیموں کی جانب سے کیے جاتے رہے ہیں۔
