خضدار ( نامہ نگار ) بلوچستان کے ضلع خضدار تحصیل وڈھ سے بلوچستان نیشنل پارٹی بی این پی مینگل کے رہنماء کی مبینہ اغواء کی کوشش کے بعد کارکنان نے واقعہ کے خلاف احتجاجا شال کراچی شاہراہ کو دومقات پر دھرنا دیکر بند کردیا ۔
بی این پی ذرائع کے مطابق نامعلوم مسلح افراد جو گاڑیوں میں سوار تھے، نے سیاسی و قبائلی رہنما حاجی جان محمد گرگناڑی کو اغوا کرنے کی کوشش کی تاہم انکے گن مین کی جانب سے فائرنگ کے بعد اغواء کار فرار ہوگئے۔
واقعے کے بعد بلوچستان نیشنل پارٹی کے کارکنان نے وڈھ بازار اور دراکھالہ کے قریب جمع ہو کر احتجاج کیا اور مرکزی شاہراہ کو بلاک کردیا۔
مظاہرین کا مطالبہ ہے کہ واقعے میں ملوث افراد کو فوری طور پر گرفتار کیا جائے اور حاجی جان محمد کی حفاظت کو یقینی بنایا جائے۔
شاہراہ کی بندش کے باعث ٹریفک کی روانی متاثر ہو گئی ہے اور دونوں اطراف سے گاڑیوں کی لمبی قطاریں لگ گئی ہیں-
آپ کو علم ہے خضدار وڈھ ملحقہ علاقوں میں سرکاری ڈیتھ اسکوائڈ کے سرغنہ شفیق اور عطاء الرحمن ولد نصیر احمد محمدزئی کے اڈے قائم ہیں جہاں لوگوں کو اغوا کرکے فورسز حوالے کرکے جبری گمشدگی کا نشانہ بناتے یا جعلی مقابلوں میں قتل کردیتے ہیں یا تعاوان وصول کرکے چھوڑ دیا جاتاہے ۔