کیچ کے علاقے مند میں آج ساڑھے بارہ بجے نام نہاد 14 اگست کی ریلی کو نامعلوم افراد کی جانب سے بم حملے کا نشانہ بنایا گیا۔
تفصیلات کے مطابق بم دھماکہ مند کے علاقے سورو میں مین ایف سی کیمپ کے قریب کیا گیا۔
ذرائع کا کہنا ہے کہ دھماکہ کا نشانہ قابض پاکستانی فورسز اور ریلی تھا تاہم دھماکے کے نتیجے میں کسی بھی جانی نقصان کی اطلاع موصول نہیں ہوئی ہے ۔
علاقائی ذرائع کا کہنا ہے کہ دھماکہ اس قدر شدید تھا کہ اس کی آواز دور دور تک سنی گئی، تاہم دھماکے کے بعد ریاستی فورس نے علاقے کو گھیرے میں لیکر جگہ کا معائنہ کیا جبکہ شرکاء ریلی اپنی جان بچانے علاقائی افراد کے گھروں میں بھاگ گئے جس سے قابض پاکستان کی جانب سے نام نہاد 14 اگست پروگرام ناکام ہوگیا ۔
ہرنائی سے تازہ اطلاعات ہیں کہ آج شام چار بجے ہرنائی کے علاقے سیپن تنگی کے مقام پر مسلح افراد نے پاکستانی فورسز کے مورچوں پر حملہ کردیا۔ حملے میں مسلح افراد نے جدید اور بھاری ہتھیاروں کا استعمال کیا ، جوکہ کافی دیر تک جاری رہا ۔
مقامی ذرائع کا کہنا ہے کہ اس حملے میں فورسز کے دو اہلکار ہلاک جبکہ متعدد اہلکار زخمی ہوئے ہیں۔
مند اور ہرنائی حملوں کی ذمہ داری تاحال کسی تنظیم نے قبول نہیں کی ہے۔
