بلوچستان کے ضلع کیچ سے تعلق رکھنے والے نوجوان صدام ولد محراب بلوچ پاکستانی فورسز کی جانب سے حراست میں لیے جانے کے بعد سے لاپتہ ہیں۔
مقامی ذرائع کے مطابق صدام بلوچ کو ان کے ساتھی گلزار نیکسال کے ہمراہ تربت شہر کے مضافاتی علاقے سے گرفتار کیا گیا تھا۔
گلزار نیکسال کو کئی گھنٹے حراست میں رکھنے کے بعد رات تقریباً 12 بجے رہا کر دیا گیا، تاہم صدام بلوچ کی حوالگی یا ان کی خیریت سے متعلق تاحال کوئی اطلاع موصول نہیں ہوئی ہے۔
صدام بلوچ کا تعلق ضلع کیچ کے علاقے سری شاپک سے ہے، جہاں وہ گلزار نیکسال کے ساتھ ایک چھوٹے گیراج میں بطور مکینک کام کرتے تھے۔
اہلِ خانہ کے مطابق صدام روزانہ کی طرح اس روز بھی گیراج جانے کے لیے گھر سے نکلے تھے، مگر راستے میں پاکستانی فورسز کے اہلکاروں نے دونوں نوجوانوں کو حراست میں لے لیا۔
