بلوچستان کے اضلاع کیچ اور شال (کوئٹہ) میں پاکستانی فورسز کے ہاتھوں ایک جبری لاپتہ نوجوان بازیاب ہو گیا، جبکہ ایک شخص کو جبری طور پر لاپتہ کر دیا گیا ہے۔
ذرائع کے مطابق، بازیاب ہونے والے نوجوان کی شناخت طائف ولد طارق ساکن کلاہو کے طور پر ہوئی ہے، جسے 20 فروری 2025 کو پاکستانی فورسز نے تمپ بالیچہ سے حراست میں لے کر لاپتہ کر دیا تھا۔ آج وہ بازیاب ہو کر اپنے گھر واپس پہنچ گیا ہے۔
دوسری جانب، شال (کوئٹہ) کے علاقے سریاب کسٹم پر پاکستانی خفیہ اداروں نے چیف سفر بلوچ کو ان کی دکان سے حراست میں لینے کے بعد جبری طور پر لاپتہ کر دیا ہے۔
اہلِ خانہ کے مطابق، حراست میں لینے کے بعد سے ان کا کوئی اتا پتا نہیں ہے۔
