شال (مانیٹرنگ ڈیسک) شال کے علاقے شعبان میں پاکستانی فورسز کے جعلی مقابلے میں ہلاک کیے گئے باقی دو افراد کی بھی شناخت ہو گئی ہے۔ ذرائع کے مطابق، مقتولین کی شناخت نعیم الدین ولد نورالدین اور شاہزیب ولد رحمت اللہ کے نام سے ہوئی ہے، جو قبیلہ شاہوانی سے تعلق رکھتے اور دشت کے رہائشی تھے۔
یاد رہے کہ اس جعلی مقابلے میں پہلے سے شناخت شدہ دو دیگر مقتولین، حافظ محمد طاہر ولد مرحوم حافظ محمد اکبر اور زبیر احمد ولد عبدالصمد ہارونی، کا تعلق سوراب کے علاقے گدر سے تھا۔ انہیں پاکستانی فورسز نے گزشتہ سال دسمبر میں جبری طور پر لاپتہ کیا تھا۔
ذرائع کے مطابق، فورسز نے چاروں افراد کو جعلی مقابلے میں قتل کرنے کے بعد اسے ایک "مقابلہ” قرار دیا اور بعد ازاں ان کی لاشیں شال ہسپتال منتقل کر دی گئیں۔
