قلات ( مانیٹرنگ ڈیسک ) بلوچستان کے ضلع قلات میں مسلح افراد نے تعمیراتی کمپنی کے مشینری کو نذرآتش کرکے تباہ کردیا۔
بتایا جارہاہے کہ قلات کے علاقے مہلبی میں مرجان کے مقام پر رات گئے مسلح افراد نے روڈ تعمیرات کیلئے استعمال ہونے والے کرش پلانٹ کے ہیوی مشینری کو نذرآتش کرکے تباہ کردیا ۔
علاقائی ذرائع کے مطابق گذشتہ شب مسلح افراد کی بڑی تعداد نے مذکورہ سائٹ کو گھیرے میں لیکر کمپنی کے اہلکاروں کو یرغمال رکھا اور سائٹ پر کھڑی موجود تمام بھاری مشینری کو نذرآتش کرکے تباہ کردیا۔
بعد ازاں یرغمالیوں کو چھوڑ کر فرار ہوگئے ۔
حملے کی ذمہ داری تاحال کسی تنظیم نے قبول نہیں کی ہے۔
