ڈیرہ بگٹی ( نامہ نگار ) بلوچستان کے ضلع ڈیرہ بگٹی کی تحصیل سوئی کے علاقوں لنجو، سغاری اور رئیس توخ میں پاکستانی فوج کا بڑے پیمانے پر فوج کشی جاری ہے۔
لنجو سغاری میں فوجی ہیلی کاپٹروں نے قبائیلی رہنما وڈیرہ نور علی خان کے گھر پر شیلنگ کی جس کے نتیجے میں قبائلی رہنما کے گھر کی دو خواتین اور دو بچے شدید زخمی ہوگئے۔
اس طرح اسی علاقے میں صدیق دیناری بگٹی نامی شخص کے گھر پر پاکستانی ہیلی کاپٹروں کی شیلنگ سے ایک عورت ایک بچہ سمیت تین افراد شدید زخمی ہوگئے۔
علاوہ ازیں لنجو سغاری میں جاری فوجی بربریت اور ہیلی کاپٹروں سے شیلنگ کے نتیجے میں متعدد مال مویشی بھی ہلاک ہوچکے ہیں۔
علاقائی زرائع کا کہنا ہے کہ سندھ کے ضلع کشمور کی طرف سے دس سے زائد بکتر بند سمیت چالیس گاڑیوں پر مشتمل قافلہ لنجو سغاری میں داخل ہوگیا ہے۔
خدشہ ظاہر کیا جارہا ہے کہ فوج کشی کا دائرہ کار مٹ اور شاری دربار تک پھیلایا جائے گا۔
