شال ( مانیٹر ڈیسک )شال میں قائم لاپتہ افراد کے لواحقین کی تنظیم وائس فار بلوچ مسنگ پرسنز کے بھوک ہڑتالی کیمپ کو نامعلوم افراد نے آگ لگا دی جس سے کیمپ کا ایک حصہ جل کر خاکستر ہوگیا۔
اس حوالے سے وائس فار بلوچ مسنگ پرسنز وی بی ایم پی کے وائس چئیرمین ماما قدیر بلوچ نے کیمپ سے واقع بابت ویڈیو جاری کرتے ہوئے کہا ہے کہ وہ کیمپ میں حسبِ دستور بیٹھے ہوئے تھے کہ پیچھے سے کسی نے آگ لگا دی اور فرار ہوگیا۔
ان کا کہنا ہے کہ وہ پولیس کو اطلاع دے چکے ہیں اور ملزمان کی فوری گرفتاری کا مطالبہ کررہےہیں۔
آپ کو علم ہے وائس فار بلوچ مسنگ پرسنز کے بھوک ہڑتالی کیمپ 14 برسوں سے جاری ہے جوکہ جبری گمشدہ افراد کی بازیابی کیلئے سرگرم ہے ۔