کراچی ائیرپورٹ کے قریب پیٹرولیم مصنوعات لے کر جانے والے ٹرک میں دھماکہ، ابتدائی اطلاعات کے مطابق 5 افراد زخمی ہوئے ہیں اور کئی گاڑیوں میں آگ لگ گئی ہے۔
پولیس اور ریسکیو ادارے موقع پر پہنچ رہے ہیں۔
مقامی صحافیوں کے مطابق خودکش حملے سے کراچی ایئرپورٹ کے قریب غیر ملکیوں کے قافلے کو نشانہ بنایا گیا ہے ۔
دوسری جانب کراچی میں چینی قافلے پر مجید بریگیڈ کے فدائی حملے میں متعدد ہلاک ۔ بی ایل اے ۔
بلوچ لبریشن آرمی کے ترجمان جیئند بلوچ نے میڈیا کو جاری ایک مختصر بیان میں کہا ہے کہ تنظیم کی فدائی یونٹ مجید بریگیڈ نے کراچی میں جناح ائیرپورٹ سے نکلنے والے چینی انجنیئروں و سرمایہ کاروں کے ایک اعلیٰ سطحی قافلے کو ایک فدائی وی بی آئی ای ڈی حملے میں نشانہ بناکر متعدد چینی و انکے حفاظت پر مامور فوجی اہلکار ہلاک کردیئے۔
بی ایل اے اس حملے کی ذمہ داری قبول کرتی ہے۔ تفصیلات میڈیا میں جلد جاری کی جائیں گی۔
