بلوچستان کے اضلاع لسبیلہ اور بارکھان میں پیش آنے والے روڈ حادثات اور فائرنگ کے واقعات میں مجموعی طور پر چار افراد ھلاک ہو گئے ۔
تفصیلات کے مطابق ہفتہ کے روز بلوچستان کے صنعتی شہر حب چوکی میں پیرکس روڈ حبکو عباس گوٹھ کے قریب تیز رفتار کار گاڑی الٹنے کے نتیجے میں 14سالہ انیس نامی نوجوان ھلاک ہوگیا۔
واقعہ میں ھلاک بچے کو ہسپتال منتقل کرکے ضروری کاروائی کے بعد نعش ورثاء کے حوالے کردیا گیا۔
اسی طرح اوتھل شہر میں کوئٹہ کراچی شاہراہ اوتھل کلمتی اسٹاپ کے قریب تیز رفتار مزدہ ٹرک اور موٹر سائیکل کے درمیان تصادم کے نتیجے میں موٹر سائیکل سوار ابوبکر ولد محمد اور غلام رسول ولد محمد علی نامی دو نوجوان موقع پر جان کی بازی ہار گئے۔
بارکھان گلو دامان کے علاقے میں 14 سالہ لڑکے کی نعش برآمد . ملنے والی نعش کی شناخت سردار ولد ابراہیم قوم دہمانی بارکھان پاتراہ کا رہائشی بتایا جا تا ہے. نعش کو لیویز فورس نے اپنے تحویل میں لے کر ڈی ایچ کیو ہسپتال بارکھان منتقل کر دیا ہے .
تاہم ھلاکت کے وجوہات معلوم نہیں ہوسکے ہیں۔
