بلوچستان کے دارالحکومت شال ریلوے اسٹیشن کےمختلف مقامات نام نہاد پاکستانی جشن آزادی کے تقریبات پر دستی بموں سے حملہ،ایک شخص ھلاک متعدد افراد زخمی ہو گئے ۔
زرائع کے مطابق دھماکے کے بعدایمبولینس اور سیکورٹی فورسز موقع پر پہنچ گئے۔
ہسپتال ذرائع کے مطابق ریلوے اسٹیشن پر دستی بم حملوں کا ایک زخمی سراج ولد ممتاز ہسپتال میں دم توڑ گیا، زخمیوں
کی تعداد 6 ہے۔
علاوہ ازیں کیچ کے مرکزی شہر تربت میں پاکستانی فورسز کو حملے کا نشانہ بنایا گیا ہے ۔
زرائع کے مطابق تربت میں ائیرپورٹ چوک پر قائم فورسز کی چوکی اور فوجی گاڑیوں پر مسلح افراد نے حملہ کیا ۔
حملے کے نتیجے میں فورسز کو جانی نقصان کی اطلاعات ہیں جبکہ حملے کے بعد فورسز اہلکار عام آبادی پر فائرنگ کرتے رہے۔
