سوشل میڈیا پلیٹ فارم پر اپنے قابل استادِ محترم انتہائی قابلِ احترام شخصیت واجہ مولانا محمد آدم آسیاآبادی کا ایک پوسٹ نظر سے گزرا جس میں وہ کہتے ہیں کہ “یہ بلوچ معاشرے کی طرفِ تنزلی سفر ہے کہ اُس معاشرے کو “عورت” لیڈ کررہی ہے اور انہوں نے ایک حضور اکرم کا ایک حدیث پیش کیا تھا کہ “لن يفلح قوم ولوا أمرهم إمرأة ” یعنی وہ معاشرہ جو عورت کو حکمرانی دیتے ہیں کبھی کامیاب نہیں ہوسکتے ہیں۔
اب ہم اپنی توجہ اس حدیث پر ترکیز کریں گے جو سیاست میں اور عوامی عہدوں پر خواتین کے حصہ لینے کے خلاف ایک دلیل کے طور پر استعمال ہوتی ہے تاکہ تفصیل سے اس کے اصل معنی کو سمجھا جاسکے جس سے نہ بلوچ معاشرہ گمراہ ہو اور نا عام افراد۔
اس حدیث کے بارے میں اپنی رائے دینے سے پہلے، ہم بعض علمائے کرام کی رائے مرتب کریں گے جو یہ سمجھتے ہیں کہ یہ حدیث صحیح نہیں ہے (یعنی مستند نہیں ہے) اس طرح کے علماء کا استدلال یہ ہے کہ ابو بکر (ر) نے یہ حدیث صرف جس کے بعد ذکر کیا کہ جب سیدہ عائشہ (ر) اونٹوں کی جنگ کی قیادت کی اور جس میں اس کی فوج ہار گئی تھی، اور یہ بھی ان کا سوال ہے کہ رسول (ص) کے وفات کے بعد 25 سال تک اس نے کیوں یہ حدیث کو رپورٹ نہیں کیا؟ بہرحال ان کا کہنا ہے کہ مرد کمانڈروں کی سربراہی میں چلنے والی کچھ ابتدائی جنگیں تھیں جن میں وہ بھی ہار گئیں تو پھر اس کو کھونے میں کیا خاص بات ہے؟ وہ یہ بھی پوچھتے ہیں کہ ابو بکر ایک عورت کی سربراہی کے نیچے اس کی فوج میں کیوں شامل ہوا اور حدیث یاد آنے کے بعد بھی اس نے فوج کیوں نہیں چھوڑا؟
یاد رکھیں کسی بھی معاشرے اور خاندان کی تشکیل اور ترقی کیلئے جتنا اہم کردار مرد کاہوتا ہے اتنا ہی اہم کردار عورت کا بھی ہوتا ہے۔ چاہے وہ کردار سیاسی ہو یا اقتصادی ظالم کے خلاف آواز بلند کرنا ہو یا مظلوم کی حمایت ان دونوں صنفوں کے کردار کی اہمیت سے انکار نہیں کیا جا سکتا۔چونکہ ذات احدیت نے خود بھی اپنی لاریب و بے عیب کتاب کے اندر مرد اور عورت کو ایک ہی انداز میں خطاب فرمایا ہے جیسا کہ سورہ نحل میں ارشاد خداوندی ہے۔
مَنۡ عَمِلَ صَالِحًا مِّنۡ ذَکَرٍ اَوۡ اُنۡثٰی وَ ہُوَ مُؤۡمِنٌ فَلَنُحۡیِیَنَّہٗ حَیٰوۃً طَیِّبَۃً ۚ وَ لَنَجۡزِیَنَّہُمۡ اَجۡرَہُمۡ بِاَحۡسَنِ مَا کَانُوۡا یَعۡمَلُوۡنَ.
ترجمہ: جو نیک عمل کرے خواہ مرد ہو یا عورت بشرطیکہ وہ مومن ہو تو ہم اسے پاکیزہ زندگی ضرور عطا کریں گے اور ان کے بہترین اعمال کی جزا میں ہم انہیں اجر (بھی) ضرور دیں گے۔
کوئی شخص جہاں اور جس حالت میں بھی ایمان کے ساتھ عمل صالح بجا لائے تو قرآن اس کے بارے میں فرماتا ہے کہ مرد و عورت میں سے جو بھی ایمان کے ساتھ نیک عمل انجام دے ہم انہیں بہترین جزا دیں گے۔ گویا معیار ایمان اور عمل صالح ہے اس کے علاوہ کوئی شرط اور معیار نہیں ہے نہ سن وسال کا مسئلہ ہے نہ قوم و قبیلے کا اور نہ جنس وصنف کا۔ پس معاشرتی مقام و مرتبے کا معیار وہ عمل صالح ہے جو ایمان کی پیداوار ہو اُس جہاں میں اس کا نتیجہ “حیات طیبہ” ہے۔
پس ثابت ہوا کہ اللہ تعالیٰ کے ہاں تمام انسان برابر ہیں اور کسی کو دوسرے پر فوقیت کا معیار کوئی مرد اور عورت ہونا نہیں ہے بلکہ عمل صالح اور تقویٰ ہے۔
اگرچہ خداوند نے اپنی بعض مصلحتوں اور حکمتوں کی وجہ سے تمام انبیاء علیہم السلام اور آئمہ کرام علیھم السلام کو مرد بنایا لیکن اگر کسی عورت کو نبی یا امام نہیں بنایا تو نبی اور امام کی ماں ضرور بنایا ہے اور عورت کی آغوش کو ان عالی مرتبت ہستیوں کی تربیت گاہ قرار دیا ہے اور بعض خواتین کو اتنا باعظمت قرار دیا کہ معصوم امام کو فرمانا پڑا” ہم لوگوں پر حجت ہیں اور فاطمہ ہم پر حجت ہیں۔
تو لہذا بلوچ و بلوچستان کی تناظر میں دیکھا جائے تو آج بلوچستان حالتِ جنگ میں ہے جہاں دشمن ریاست نے جبر و استبداد کی ایسی تاریخ چھوڑی ہے کہ جس کے آگے یقیناً “اسرائیل” بھی شرما جائے جس معاشرے میں ظالم ریاست تمام مردوں کو پابندِ سلاسل کرلے جو بات کرتے ہوں انہیں گولیوں سے بون ڈالا جائے، جہاں اظہارکرنے پر زبانوں پہ تالے پڑ جائیں، جہاں ایک انسانی بحران جنم لے رہا ہو تو وہاں اگر عورتیں میدان میں نہ نکلیں تو اور کیا کریں؟؟؟
قابل استادِ محترم آپ شاید بھول چکی ہیں کہ اسی ریاست نے جس وقت بلوچ قومی تحریک کو ہمارے “مرد” حضرات لیڈ کررہے تھے تو انہیں یا تو پابندِ سلاسل کیا یا انہیں مُرگاپ جیسے ویرانوں میں مسخ کرکے پھینک دیا یا تو توتک جیسے اجتماعی قبروں میں درگور کیا ۔بلوچ معاشرے میں ریاست نے اپنی شاطریت سے ہماری سیاسی طبقہ اور علماء کرام کے بین ایک واضح لکیر کھینچی تھی جس لکیر کو انتھک محنت اور بردباری سے مرحوم مولانا عبدالحق صاحب اور ان کے فرزند صبغت اللہ شاجی جیسے ہستیوں نے تو ختم کر ڈالا لیکن آج جس طرح ہماری مائیں بہنیں ریاستی جبر کے خلاف میدان میں نکلی ہیں جو قابلِ ستائش ہے اور قابلِ دید بھی جس سے دشمن ریاست کی نیندیں حرام ہوچکی ہیں تو اس لمحے ہمارے علماء کرام ضعیف حدیث بیان کرکے ہمارے معاشرے میں افراتفری اور نفاق ڈالنے کی کوشش کریں تو یہ کہنا حق بہ جانب ہوگا کہ ہماری عورتیں مغربی ایجنڈے پر کام نہیں کررہی بلکہ آپ جیسے علماء کرام یقیناً ریاستی ایجنڈے کو فروغ دینے کے مترادف قرار پا رہے ہیں۔
ہونا تو یہ چاہیئے تھا کہ آپ جیسے مدبر مولانا صبغت اللہ شاجی کی طرح ہماری ماؤں بہنوں کے سرپر شفقت کا ہاتھ رکھتے اور ریاستی جبر کیخلاف ان کا ساتھ دیتے لیکن نہیں آپ جیسے قابلِ احترام شخصیت نا چاہتے ہوئے بھی ریاستی پروپگنڈے کا حصہ بن رہے ہیں جو کہ قابلِ افسوس ہے۔
