پنجگور کے علاقے چتکان میں فائرنگ سے دو افراد جاں بحق، ایک زخمی۔ پولیس ذرائع کے مطابق پنجگور کے علاقے چتکان میں فائرنگ سے دو افراد لطیف ولد جلیل امان اللہ ولد حسین ھلاک جبکہ آصف ولد المراد زخمی ہوگیا، ھلاک اور زخمی شخص کو ٹیچنگ اسپتال منتقل کیا گیا ہے۔
ادھر بلوچستان کے دارالحکومت شال میں موٹر سائیکل چھیننے کے دوران مزاحمت پر ایک شخص قتل۔ شال کے علاقے قمبرانی روڈ پر موٹر سائیکل چھیننے کی واردات کے دوران مزاحمت کرنے پر کلیم اللہ بڑیچ نامی شخص قتل ہوا ۔
علاوہ ازیں شال کے نواحی علاقے نواں کلی میں تیز رفتار موٹر سائیکل دیوار میں ٹکرانے سے نوجوان ھلاک ہوگیا، نواں کلی بائی پاس کلی ناصران پر تیز رفتار موٹر سائیکل دیوار میں ٹکرانے سے نوجوان ھلاک اور ایک زخمی ہوگیا۔
دریں اثناء حب دریجی مصری ہوٹل کے قریب کار حادثے کا شکار ہوگئے پانچ افراد زخمی ، اس حوالے سے دریجی سے آمد اطلاعات کے مطابق جمعہ کے روز دریجی مصری ہوٹل کے قریب تیز رفتاری کے سبب کار گاڑی کو حادثہ پیش آیا جسکے نتیجے میں پانچ افراد محمد امین میراجی ،نثار احمد میراجی ،منیر احمد میراجی ،محمد رمضان میراجی اور خادم میراجی نامی اشخاص جو کہ ساکران اور سندھ شیخ برکیو کے رہائشی بتائے جاتے ہیں زخمی ہو گئے زخمیوں کو قریبی طبی مرکز منتقل کردیئے گئے زخمیوں میں سے دو کی حالت تشویشناک بتائی جاتی ہے۔
