شال بلوچ یکجہتی کمیٹی کے مرکزی آرگنائزر ڈاکٹر ماہ رنگ کی قیادت میں ہزاروں افراد کا قافلہ ریڈ زون پہنچ گیا،
انتظامیہ سے مذاکرات تاحال گرفتار خواتین رہا اور جبری لاپتہ ظہیر منظر عام پر نہ آسکے ،دھرنا جاری ہے ۔
مظاہرین میں خواتین کی بڑی تعداد کے علاوہ لاپتہ ظہیر کے لواحقین بھی موجود ہیں ۔
مظاہرین رہنماﺅں اور انتظامیہ کے درمیان رات گئے تک مذاکرات جاری رہے جبکہ انتظامیہ کی جانب سے گرفتار خواتین کی رہائی کے فیصلے پر بھی عمل نہیں کیا گیا ہے۔
اس حوالے سے مظاہرین نے جبری لاپتہ ظہیر احمد سمیت گرفتار خواتین و دیگر مظاہرین کی رہائی کا مطالبہ دہرایا ہے ۔
