شال : بلوچ یکجہتی کمیٹی کے مرکزی آرگنائزر ڈاکٹر ماہ رنگ کی جانب پولیس کو آدھے گھنٹے کا دیا ہوا الٹی میٹم ختم خواتین رہا نہ ہوسکیں ۔ بی وائی سی آرگنائزر کی قیادت میں دوبارہ مظاہرین کا ریڈ زون کی جانب ریلی شروع ، ہزاروں کی تعداد میں شہریوں کی شرکت ۔
کھٹ پتلی حکومت انتظامیہ، پاکستانی خفیہ ایجنیسوں کے خلاف شدید نعرے بازی ۔
![](https://urdu.zrumbesh.com/wp-content/uploads/2024/07/1000139781-1024x550.jpg)
آپ کو علم ہے مظاہرین لاپتہ ظہیر احمد و دیگر کی بازیابی سمیت گرفتار خواتین و دیگر کی رہائی کا مطالبہ کر رہے ہیں ،
ریلی سے قبل ڈاکٹر ماہ رنگ بلوچ نے جاری ویڈیو میں کہاتھاکہ ہم ریاست اور حکومت بلوچستان کو آدھے گھنٹے کا وقت دیتے ہیں اگر آدھے گھنٹے کے اندر بلوچ خواتین اور نوجوانوں کو رہا نہیں کیا گیا تو ہم سریاب سے شال ریڈ زون تک مارچ کریں گے اور ریڈ زون کے سامنے غیر معینہ مدت کے لیے دھرنا دیں گے۔
![](https://urdu.zrumbesh.com/wp-content/uploads/2024/07/1000139785-1024x874.jpg)
انھوں نے کہاتھا کہ ہم یہ بھی واضح کرتے ہیں کہ ہم تشدد اور گرفتاریوں سے کسی صورت نہیں ڈریں گے بلکہ ان کے ردعمل میں ہماری جدوجہد زیادہ شدت کے ساتھ ابھرے گی۔
انھوں نے عوام سے سریاب پہنچنے کی اپیل کی تھی۔