بلوچستان کے ضلع ڈیرہ بگٹی کی تحصیل سوئی کے علاقے لنجو اور سغاری میں پاکستانی فوج مقامی ڈیتھ اسکواڈز کی مدد سے فوجی کشی کررہی ہے اور علاقے میں متعدد مقامات پر گھروں کو مسمار اور گاڑیوں کو جلا جا جارہاہے ،جبکہ فورسز کی جانب سے علاقے میں گولہ باری بھی کی جارہی ہے۔
بتایا جارہاہے کہ گزشتہ روز سوئی سے کشمور روڈ پر ڈکیتی کا واقع پیش آیا جس میں خواتین اور بچوں کے زیورات چھینے گئے اور ایک گاڑی کو بھی ڈاکو لے گئے۔
جبکہ آج پاکستانی فوج نے اسی علاقے میں آپریشن کا آغاز کردیا تاہم ڈکیتی کے واقع میں ملوث افراد کو راہ فرار دیا گیا ۔
علاقائی ذرائع کے مطابق سوئی کشمور روڈ پر آئے روز اس طرح کے واقعات ہوتے رہتے ہیں جس میں ایک گروہ ملوث ہے جس کی سربراہی میرک چاکرانی بگٹی کررہے ہیں اس گروہ میں سیوا چاکرانی بگٹی، شاہ زین چاکرانی اور الڑ چاکرانی بگٹی سمیت دیگر شامل ہیں۔
مزکورہ گروہ آئی ایس آئی کے کرنل صفدر کے حکم پر چوری، ڈکیتیاں اور دیگر جرائم کرتے رہتے ہیں۔ اس گروہ کا سرغناہ میرک چاکرانی خود کرنل صفدر سے ملاقاتیں بھی کرتے رہے ہیں۔ جبکہ مزکورہ گروہ کے ارکان دوسری طرف لیویز فورس میں بھی شامل ہیں جن میں سرِفہرست شیر جان چاکرانی ہیں۔
عوامی حلقوں کا کہنا ہے کہ آج ڈاکوں کے خلاف آپریشن کرنے کے بجائے کرنل صفدر نے ڈاکو گینگ کو ایف سی کی گاڑیوں میں فرار کروا دیا گیا اور مقامی قبائلی عمائدین کے گھروں پر چھاپے مارے اور ان پر مارٹر کے گولے داغے گئے۔ ایف سی نے متعدد نہتے افراد کو غیر قانونی حراست میں لینے کے بعد انہیں سی ٹی ڈی کے حوالے کیا گیا ۔
