بلوچستان ضلع آواران تحصیل مشکے میں نامعلوم مسلح افراد کے فائرنگ سے مقامی ڈیتھ اسکواڈ کے دو کارندے ہلاک ہوگئے۔
اطلاعات کے مطابق مشکے کے علاقے نوکجو پچھڑ پکنک پوائنٹ پر نامعلوم مسلح افراد نے فائرنگ کرکے پاکستانی فوج خفیہ ایجنسیوں کی بنائی گئی مسلح جتھے ،ڈیتھ اسکواڈ کے دو کارندے دولت خان محمد حسنی اور مرید محمد حسنی کو ہلاک کردیا ہے۔
ذرائع کا کہنا ہے کہ دولت خان اور مرید خان دین محمد عرف دنو کے خاص کارندے ہیں، حال ہی میں ان کی مشکے میں سمیر نامی نوجوان کو سرعام تشدد کا نشانہ بنانے کی ویڈیو بھی میڈیا پر وائرل ہوئی تھی اس کے علاوہ یہ چوری ڈکیتی اور دیگر سماجی برائیوں میں براہ راست ملوث رہے ہیں ۔
