بلوچستان کے دارالحکومت شال کے نواحی علاقہ کچلاک کے علاقے کلی کتیر میں پاکستانی فورسز کو بم کا نشانہ بنایا گیا جس میں ایک ایگل اسکوائاد اہلکار سمیت 5 افراد زخمی ہوگئے ۔
ڈیرہ بگٹی کی تحصیل سوئی اور صحبت پور کی سرحدی پولیس تھانہ دودا ٹبہ کی حدود قبائلی رہنما احد خان کی زمین میں بارودی سرنگ پھٹ گیا جس میں بھینس کا پاوں پڑنے سے دھماکہ ہوا جس کے نتیجے میں ایک بھینس موقع پر ہلاک ایک بھینس زخمی ہو گئی۔
دھماکہ کی اطلاع ملتے ہی بم اسکواڈ ٹیم اور پولیس نفری کے ساتھ سیکورٹی اہلکار موقع پر پہنچ گئے اور ملزمان کی گرفتاری کے لئے پورے علاقے کے گھیرے میں لے لیا ہے آخری اطلاعات تک کسی قسم کی گرفتاری نہیں ہوئی ہے ۔
علاوہ ازیں چمن میں نامعلوم افراد کی فائرنگ سے ایف سی ایک اہلکار ہلاک ایک زخمی ہوگیا ۔
تفصیلات کے مطابق چمن کلی حاجی حبیب کے قریب دو ایف سی اہلکاروں پر نامعلوم افراد نے فائرنگ کی جسکے نتیجے میں ایک اہلکار ہلاک جبکہ دوسرا ساتھی زخمی ہوا۔ واقعے کی اطلاع ملتے ہی لیویز فورس جائے وقوع پر پہنچ گئی۔
فورسز نے علاقہ کو گھیر سرچ آپریشن شروع کردیا ۔
ادھر خضدار سانحہ میں شہید ہونے والے معصوم طالب علم جواد یوسف مینگل کو آبائی قبرستان میں تدفین کر دی گئی۔`
تفصیلات کے مطابق سانحہ خضدار میں شہید ہونے والے طالب علم جواد یوسف مینگل کی نماز جنازہ جعفرآباد کی جنازہ گاہ میں ادا کی گئی۔
نماز جنازہ میں علمائے کرام ٹریڈ یونین وکلا تنظیمیں خضدار سمیت سیاسی عمائدین ، اور سینکڑوں کی تعداد میں مقامی افراد نے شرکت کی۔
شہید معصوم جواد یوسف کی میت آبائی علاقہ پہنچنے پر ہر آنکھ اشکبار تھی ۔
دریں اثناء شال سسر نے فائرنگ کرکے داماد کو قتل کردیا۔
تفصیلات کے مطابق محمد اعجاز سینئر کلرک سپیشل برانچ اکاؤنٹ برانچ کو انکے سسر نے فائرنگ کرکے موت کے گھاٹ اتار دیا۔قتل کی وجوہات معلوم نہیں ہوسکے ہیں ۔
