شام میں ایرانی سفارت خانے پر اسرائیل کی جانب سے فضائی حملہ کیا گیا جس کے نتیجے میں آٹھ افراد ھلاک ہو گئے ، امیر عبدالہیان کے مطابق حملے کے نتائج کی ذمہ داری اسرائیل پر ہو گی ۔
عرب میڈیا کی رپورٹ کے مطابق میزائل حملے کے باعث ایرانی قونصل خانے کی عمارت مکمل طور پر تباہ ہوگئی۔
ایران کے سرکاری میڈیا نے دمشق میں سفارتکاروں کے ہلاکت کی تصدیق کی ہے اور کہا ہے کہ دمشق میں اسرائیلی حملے میں متعدد ایرانی سفارتکار بھی ہلاک ہوئے۔میزائل حملے میں ایرانی سفارت خانے کے نزدیک عمارت کو نقصان پہنچا، میزائل حملے سے عمارت کے پاس کھڑی گاڑیاں بھی تباہ ہوگئیں۔
ایرانی میڈیا کے مطابق اسرائیل کے میزائل حملے میں ایرانی قونصلیٹ، ایرانی سفیرکی رہائش گاہ کو نقصان پہنچا ہے، ایرانی سفیر محفوظ رہے۔
