سرگودھا بلوچ اسٹوڈنٹس کونسل سرگودھا کے طلباء کا طالب علم خداداد سراج کی جبری گمشدگی کے خلاف یونیورسٹی سرگودھا میں احتجاجی مظاہرہ کیاگیا ۔
طلباء نے کہاکہ سرگودھا میڈیکل کالج کے طالبعلم خداداد کو ایک ہفتہ قبل پاکستانی خفیہ اداروں نے جبری لاپتہ کردیا ،جن کا تعلق ضلع کیچ کے علاقے کرکی تربت سے تھا ۔
مظاہرین طلباء نے اس موقع پر افسوس کا اظہا ر کرتے ہوئے کہاکہ مزکورہ طالب علم کی بازیابی کے سلسلے میں جب طلباء نے سرگودھا یونیورسٹی کے اندر پرامن واک کیا گیا تو سیکیورٹی اہلکاروں نے طلباء کے ہاتھوں سے تصاویر اور چارٹر چھین کر پھاڑ دیئے۔
طلباء نے بلوچ اسٹوڈنٹس کی ہراسمنٹ، پروفائلنگ اور جبری گمشدگیوں کی مذمت کرتے ہوئے ساتھی طالبعلم کی رہائی کا مطالبہ کیا۔
آپ کو علم ہے گذشتہ روز جبری لاپتہ طالب علم کی بازیابی کیلے ان کے لواحقین نے بلوچستان کے ضلع کیچ میں کرکی کے مقام پر سی پیک شاہراہ پر احتجاج کرتے ہوئے ان کی بازیابی کا مطالبہ کیا تھا۔
