کیچ : پاکستان کے صوبہ پنجاب کے شہر سرگودھا سے پاکستانی فورسز کے ہاتھوں جبری لاپتہ طالب علم خدا داد کی بازیابی کے لئے آج ضلع کیچ کرکی میں لواحقین کی جانب سے سی پیک روڈ پر احتجاج کیا جارہا ہے۔
احتجاج میں علاقے کے لوگوں کی بڑی تعداد، خواتین اور بچے شریک ہیں جبکہ شاہراہ پر آمد و رفت مکمل معطل ہے۔
مظاہرین طالب علم کی بحفاظت بازیابی کا مطالبہ کرتے ہوئے کہاکہ ہم نے انھیں پڑھنے کے لئے بھیجا تھا لیکن انہیں وہاں سے جبری لاپتہ کیا گیا ہے۔
آپ کو علم ہے خدا داد ولد سراج احمد کو 8 مارچ 2024 کی رات 8:30 بجے ایک سفید رنگ کی کار میں ظفر اللہ چوک الرشید ہسپتال سرگودھا کے سامنے سے جبری لاپتہ کیا گیا تھا۔ وہ سرگودھا میڈیکل کالج میں پیتھالوجی لیب سائنسز کا طالب علم ہے۔
