کراچی 16 جون 2023 کو کراچی سندھ رینجرز اور پولیس کے ہاتھوں خضدار کے رہائشی دو چچا زاد بھائیوں 17 سالہ محمد ولد محمود سکنہ جعفر آباد خضدار اور عاصم ولد محمد اعظم حراست بعد لاپتہ ہوگئے تھے ۔
میں سے عاصم بلوچ رواں مہینے 5 مارچ کو حب چوکی سے بازیاب ہوکر اپنے گھر پہنچ گئے ہیں ۔ تاہم دوسرا چچا زاد بھائی محمد تاحال لاپتہ ہے۔
اہلخانہ کے مطابق 16 جون 2023 کو دونوں چچازاد بھائیوں کو سندھ پولیس اور رینجرز نے کراچی سے حراست میں لیکر جبری لاپتہ کردیا تھا ۔ عاصم الحمد اللہ بازیاب ہواہے، مگر محمد تاحال جبری لاپتہ ہے ۔
لواحقیں نے وائس فار بلوچ مسنگ پرسنز ،بلوچ یکجہتی کمیٹی سول سوسائٹی سمیت انسانی حقوق کے اداروں سوشل میڈیا کارکنوں سے اپیل کی ہے کہ انکے لاپتہ دوسرے پیارے کی بحفاظت بازیابی کیلے ان کی آواز بنیں تاکہ وہ بھی بحفاظت بازیاب ہوجائیں ۔
انھوں نے حکومت سندھ سے اپیل کی ہے کہ انھیں پولیس اور رینجرز سے پوچھنا چاہئے کہ محمد ولد محمود کو کیوں پابند سلاسل رکھ کر نہ کردہ گناہوں کی سزا دی جارہی ہے ۔ انھیں بھی منظر عام پر لایا جائے اگر کسی جرم میں ملوث ہے سزا دی جائے اگر نہیں تو انھیں عاصم کی طرح منظر عام پر لاکر چھوڑ دیا جائے ۔
