ہرنائی ڈاکوﺅں نے لہسن سے لوڈ دو ٹرک ہائی جیک عوام سراپا احتجاج، تفصیلات کے مطابق گزشتہ رات میختر ایریا میں ہرنائی سے تعلق رکھنے والے عبدالحئی اور میراجان نامی افراد کے لہسن سے لوڈ دو ٹرکوں کو نامعلوم مسلح افراد نے اسلحے کے زور پر ہائی جیک کرکے لے گئے ، جس کیخلاف ہرنائی میں شدید احتجاج کیا گیا، جس کی قیادت زمیندار ولی ترین نے کی۔ ریلی کے شرکا نے پورے شہر کا چکر لگایا۔
مظاہرین نے ڈپٹی کمشنر لورالائی، کمشنر سنجاوی، ڈپٹی کمشنر ہرنائی، اسسٹنٹ کمشنر ہرنائی اور دیگر ضلعی افسران کے فوری ٹرانسفر کا مطالبہ کیا۔
اس موقع پر مظاہرین نے ضلعی انتظامیہ مردہ باد کے نعرے بھی لگائے۔
ریلی کے شرکا کا کہنا تھا کہ اگر فوری طور پر ان ٹرکوں کو بازیاب نہیں کیا گیا تو پورے بلوچستان میں تمام شاہراہیں بند کردینگے۔
ہرنائی میں ڈپٹی کمشنر کے دفتر کے سامنے دھرنا دیا جائے گا۔
