گوادر: ضلع گوادر کے ساحلی علاقے پانوان اور گنز کے درمیان سڑک کے قریب پانچ افراد کی لاشیں برآمد ہوئی ہیں۔ لاشوں کو ضروری قانونی کارروائی اور شناخت کے لیے سول ہسپتال جیونی منتقل کر دیا گیا ہے۔
علاقائی ذرائع کے مطابق پانچ میں سے دو افراد کی شناخت ہو چکی ہے، جبکہ تین افراد کی شناخت تاحال نہیں ہو سکی۔ شناخت ہونے والوں میں شاہ بخش اور پیری ولد عیسیٰ شامل ہیں، جن کا تعلق تحصیل جیونی کے علاقے روبار سے بتایا جاتا ہے۔
ذرائع کے مطابق شاہ بخش مقامی کونسلر عبد الکریم کے بھائی تھے۔ باقی تین لاشیں شناخت کے لیے سول ہسپتال جیونی میں موجود ہیں۔
واقعے کی وجوہات اور ہلاکتوں کے محرکات کے بارے میں تاحال کوئی مصدقہ اطلاعات نہیں مل سکی ہے۔
