تربت کے علاقے شاہی تمپ زونگ گراؤنڈ میں فائرنگ کے ایک واقعے میں ایک نوجوان ہلاک ہوگیا جبکہ ملزم موقع سے فرار ہونے میں کامیاب ہوگیا۔
پولیس کے مطابق واقعہ گزشتہ شب تقریباً 12 بجے پیش آیا جہاں مبینہ طور پر سرفراز نامی شخص نے اپنے دوست ظہیر ولد سعید اللہ کو گاڑی کے اندر فائرنگ کرکے قتل کردیا۔
پولیس کا کہنا ہے کہ قتل کی وجوہات فوری طور پر معلوم نہ ہوسکیں جبکہ واقعے کی تحقیقات شروع کردی گئی ہیں۔
لاش کو ضروری قانونی کارروائی کے لیے ٹیچنگ اسپتال تربت منتقل کیا گیا، جہاں بعد ازاں میت ورثا کے حوالے کردی گئی۔
