بلوچستان کے شہر تربت کے علاقے آپسر سے ایک شخص کی لاش برآمد ہوئی ہے، جو ایک ہی دن میں دوسری لاش ملنے کا واقعہ ہے۔
پولیس کے مطابق مقتول کی شناخت اللہ بخش ولد سوگات، سکنہ جوسک کے نام سے ہوئی ہے، جسے گولیاں مار کر قتل کیا گیا۔
لاش کو تحویل میں لے کر ٹیچنگ ہسپتال تربت منتقل کیا گیا، جہاں ضروری قانونی کارروائی کے بعد میت لواحقین کے حوالے کر دی گئی۔
واضح رہے کہ اسی روز پسنی روڈ کے مقام سے بھی ایک لاش برآمد ہوئی تھی، جس کے بعد شہر میں پیش آنے والے پے در پے واقعات پر تشویش کا اظہار کیا جا رہا ہے۔
پولیس حکام کے مطابق دونوں واقعات کی تحقیقات جاری ہیں اور ملزمان کی تلاش کے لیے کارروائیاں شروع کر دی گئی ہیں۔
