بلوچستان کے ضلع آواران کے علاقے کولواہ میں پاکستانی فوج کی فائرنگ کے نتیجے میں ایک ہی خاندان کے تین افراد ہلاک جبکہ متعدد افراد زخمی ہو گئے۔
مقامی ذرائع کے مطابق واقعہ کولواہ کے علاقے چیری مالار میں پیش آیا، جہاں پاکستانی فوج کے فائرنگ کے نتیجے میں محمد عمر، ان کی اہلیہ فائزہ اور ان کی کمسن بیٹی ماہ زیب موقع پر ہی دم توڑ گئے۔
ذرائع کا کہنا ہے کہ واقعے میں محمد عمر کی بہو فہمیدہ سمیت کم از کم تین افراد زخمی بھی ہوئے ہیں، جنہیں طبی امداد کے لیے قریبی اسپتال منتقل کر دیا گیا ہے۔
تاحال واقعے کی مکمل تفصیلات سامنے نہیں آ سکیں، مزید تفصیلات کا انتظار ہے۔
