بلوچستان کے ضلع پنجگور کے علاقے پروم میں مسلح افراد کی جانب سے ایک حملے کی اطلاعات موصول ہوئی ہیں، جس کے نتیجے میں مبینہ طور پر جانی نقصان ہوا ہے۔ تاہم واقعے کی تفصیلات تاحال مکمل طور پر سامنے نہیں آ سکیں۔
ذرائع کے مطابق حملہ ان افراد کو نشانہ بنا کر کیا گیا جنہیں مقامی سطح پر پاکستانی فوج کے حمایت یافتہ مسلح گروہ ڈیتھ اسکواڈ سے منسلک قرار دیا جاتا ہے۔
واقعے کے بعد پاکستانی فورسز نے علاقے میں مختلف مقامات پر چھاپے مارے۔ ذرائع کا دعویٰ ہے کہ اس دوران تیل کے کاروبار سے وابستہ افراد کے کچھ ڈپوؤں کو نذرِ آتش کر دیا گیا، جس سے مالی نقصان کی اطلاعات ہیں۔
تاحال کسی تنظیم کی جانب سے حملے کی ذمہ داری قبول نہیں کی گئی۔ ماضی میں اس نوعیت کے حملوں کی ذمہ داری بلوچ آزادی پسندوں کی جانب سے قبول کی جاتی رہی ہے۔
